جيتك أحمل همومي بكفن الأحزان
كلي أمل .. إنك بيوماً تواسيني
ليتني !! غيرت مساري ليت بالأمكان
ليتني ما جيتك ولا حسستك بأنيني
قهرتني بنفسي ؟! وأكتم القهر لا يبان
هذي قدرة المولى .. أرسلك تبتليني
كنت وحيداً ما زرت للحزن أي مكان
واليوم صار الحزن موجود فيني
عسى الولي يفرج عني ماصار وكان
العشق بلوى وزوداً جيت تبتليني
قسوتك ما فعلها لا بشر ولا جان
من علمك الصّد وخلاك تجافيني
علمتك المحبه علمتك طيب وإحسان
وعلمتني الجفاء في باقي سنيني
علمتك كيف الغلا يشروونه بلياء أثمان
وعلمتني رده .. تشتري وتبيع فيني
علمتك كيف الرسم .. ينجذب بلياء الوان
ورسمت بصفحتي ألم !! والكل يواسيني
علمتك الأبتسامة .. كيف سحرها بالأوجان
وتقفي راسمـ(ن) لعبرتي ما يحتويني
قسوتك ما كانت تذكر بكل الازمان
عيوني تواجه عيونك تصـد ما تبيني
ماجبرتك على الحب ولا تقول سكران
انا ماسكرت إلا حبك وانت اللي تسقيني
تعبت أشكيك لنفسي .. وأنا خسران
اتنازل عنك بقضية .. وتجي تقاضيني
لعنبوا حالك درستني مناهج الحرمان
وانا اللي راجياً في محبتك تجيني
الجمعة نوفمبر 23, 2007 6:51 am
